O Manifesto da vindeira década
TDF LibreOffice Document Liberation Project Community Blogs Weblate Nextcloud Redmine Ask LibreOffice Donate
O Manifesto está tamén dispoñíbel en PDF -polo momento, só en inglés no noso web.
Durante os últimos dez anos, a comunidade OpenOffice.org desenvolveu, apoiou e promoveu a principal suite de produtividade de oficina de código aberto do mundo. Gañando o apoio de decenas de milleiros de individuos e entidades corporativas durante este período.
Facemos agora un chamamento a todos os que nos apoian a que nos sigan na vindeira fase do noso desenvolvemento, ao nos converter nunha fundación independente.
Os nosos valores
| COMPROMETÉMONOS: | REXEITAMOS: |
|---|---|
| a eliminar a fenda dixital da sociedade dando a toda persoa acceso a ferramentas de produtividade de escritorio libres de cargas para permitirlles participar como cidadáns plenos nesta 21ª centuria | as ferramentas de produtividade de escritorio privativas, por ser monopolio de provedores que impoñen de facto exaccións ao intercambio da liberdade de expresión e penaliza a aqueless economicamente marxinados |
| a apoiar a preservación das linguas maternas animando a toda persoa a traducir, documentar, apoiar e promover as nosas ferramentas de produtividade na súa lingua materna | a rastreira dominación dos computadores de escritorio por un único idioma que forza á xente a aprender un idioma estraño antes de poderse expresar por si mesmos electronicamente |
| a permitirlles a todos/as os usuarios/as de programas de produtividade de escritorio a conservar a propiedade intelectual dos documentos que eles crean mediante o uso de formatos abertos de documentos e estándares abertos | a propiedade dos formatos de ficheiro por parte de empresas de software privativo - os documentos son dos seus creadores, non dos vendedores de software |
| a un desenvolvemento aberto e transparente revisado por pares onde a excelencia técnica é valorada | os procesos de desenvolvemento de software pechados nos que os erros poden ser maliciosamente ocultados e onde a calidade mediocre é aceptada |
O noso estilo de traballo
Os nosos valores centrais lévannos a crer no seguinte estilo de traballo:
- o asento das nosas actividades debería ser unha fundación independente autogobernada
- a participación na fundación estará aberta a calquera individuo que concorde cos nosos valores centrais e contribúa ás nosas actividades
- animamos á participación de entidades, por exemplo, patrocinando individuos para traballar como iguais xunta os outros colaboradores da comunidade
A Fundación constituirase como unha organización sen ánimo de lucro será a propietaria dos activos e que xestionará as actividadeso financeiras e legais no nome da comunidade
Note: The content of this page has been approved by the Steering Committee - do not change the content without permission by the Steering Committee